ҮСХ-ноос дотоодын жуулчдын түүвэр судалгааг хийсэн байна. "Дотоодын жуулчдын 2025 оны түүвэр судалгаа”-ны үр дүнгээс харахад нийт аялагчид аяллаа ихэвчлэн 4-7 хоногоор төлөвлөх хандлага хамгийн өндөр буюу 39.1 хувийг эзэлж байна. Мөн 1-3 хоногийн аялал 34.4 хувь, 8-14 хоногийн аялал 18.4 хувь харин 15 ба түүнээс дээш хоногийн аялал харьцангуй бага байна.
Аялагчдын аялсан давтамжийг харвал 49.8 хувь нь 1 удаа, 31.0 хувь нь 2 удаа, 11.9 хувь нь 3 удаа, 4.2 хувь нь 4 удаа, 3.0 хувь нь 5 ба түүнээс дээш удаа тус тус аялсан байна.
