Ерөнхий сайд Н.Учрал энэ сарын 27-30-нд Японы Ерөнхий сайд Такаичи Санаэгийн урилгаар тус улсад албан ёсны айлчлал хийж буй. Албан бус мэдээллээр, тус айлчлалд 120-280 хүн буюу маш өргөн бүрэлдэхүүн явсан гэдгийг олон нийтийг шүүмжилж байгаа юм. Мөн айлчлалын багт нийслэлийн есөн дүүрэг, 21 аймгийн МАН-ын хорооны дарга нар явсан. Албан ёсны айлчлалаас гадна намынхаа хурлыг ч тэнд хийнэ гэх мэдээлэл байна.

Харин албаны эх сурвалжийн мэдээлж буйгаар "Хамгаалалт, хэвлэл, УИХ-ын гишүүд бүгд ороод нийт 56 хүн явсан. Аймаг, нийслэлийн намын хорооны дарга нарыг МАН-аас авч явж буй" гэсэн юм.

Төсвийн орлого тасарч, аргагүйд төсвийн тодотгол хийхээр болсон ч УИХ дээр гацаанд ороод буй энэ үед маш өргөн бүрэлдэхүүнтэй томилолтын баг авч явсан нь ийнхүү нийгэм, улс төрийн хүрээнд шүүмжлэл дагуулаад байгаа юм.