"Urban talk" нэвтрүүлгийн үеэр оролцогчид "Өнчин таван охиныг олж, насанд хүрэгчдийн кино хийнэ гэж ярьж байсан" гэж ярьсан нь олон нийтийн шүүмжлэлд өртөөд байна. Эл асуудлаар тус нэвтрүүлэгт зочноор оролцсон хөтлөгч Х.Санжсүрэн байр сууриа илэрхийлжээ.
Тэрбээр, "Нэвтрүүлэгт зочноор уригдлаа. Очоод оролцлоо. Тийм зүйл болоод өнгөрснийг ч анзаарсангүй. Хэрвээ бүтэн үзвэл секс туризм Монголд хөгжих нь үндэстний хэмжээнд аюултай, хор хөнөөлтэй гэж би уг нь хэлж, эсрэг байр суурьтай байгаагаа ч илэрхийлсэн байгаа. Тухайн ярьж байгаа сэдвийг бол дэмжихгүй нь ойлгомжтой. Энэ бол маш эмзэг сэдэв. Тэнд хэлэгдсэн зүйлс миний хэлсэн зүйл биш. Бас миний бодол биш учир тухайн зүйлийг дэмжихгүй байгаагаа албан ёсоор мэдэгдэж байна" гэжээ.
