УИХ-ын чуулганы өнөөдрийн хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төсөлтэй хамт өргөн мэдүүлсэн хуулийн төслийн эцсийн хэлэлцүүлгийг хийлээ.

УИХ-ын гишүүн Б.Түвшин "2012-2025 оны хооронд төсвийн хүрээний мэдэгдэл 23 удаа өөрчлөгдсөн. Үүний 13-14 нь орлогоо хэт өөдрөг төсөөлснөөс болсон. 2012-2015 онд Засгийн газрын өр 110 хувь өссөн. Урсгал зардлаа хасахгүй хөрөнгө оруулалтаа танах маягаар явж ирлээ. Хувийн бизнес гэж бараг байхгүй төсөв дагаж л явдаг боллоо" гэлээ.