2026 оны чөлөөт бөхийн Азийн аварга шалгаруулах тэмцээн Кыргызстан улсын Бишкек хотноо 4-р сарын 07-12-ны өдрүүдэд зохион байгуулагдаж байна. Чөлөөт бөхийн эмэгтэйчүүдийн 57 кг-ын жинд ДАШТ болон Азийн АШТ-ий мөнгөн медальт, ОУХМ Б.Хулан хагас шигшээд Азийн хошой аварга Японы Сара Натамитэй барилдаж ялалт байгууллаа.

Эхний үед манай тамирчин 4:1 оноогоор илүүрхсэн бол шийдвэрлэх үеийн эхэнд лав барьцаас мордож, бүхэл оноогоор унагаад, залгаж даралтаар өрсөлдөгчөө буулгаж авлаа. Ингэснээр манай бөх алтан медалийн төлөөх барилдаанд "Парис-2024" Олимпын наадмын хүрэл, өнгөрсөн оны ДАШТ болон Азийн АШТ-ий хүрэл медальт БНХАУ-ын Хун Кэшиньтэй хүч сорино.