Грэммийн шагнал гардуулах 68 дахь удаагийн арга хэмжээ өчигдөр АНУ-ын Лос Анжелес хотод боллоо. Тус арга хэмжээнд дэлхийн алдартай уран бүтээлчид төдийгүй нөлөө бүхий эрхмүүд оролцдог. Тэгвэл эл арга хэмжээнд Цахим хөгжил, харилцаа холбооны дэд сайд Б.Болор-Эрдэнэ уригдан оролцжээ. Энэ талаараа тэрбээр "Амьдралдаа Grammy-д уригдана гэж зүүдэлж ч явсангүй. Одоо болтол итгэж өгөхгүй л байна. Үнэхээр гайхалтай байлаа. Хиймэл оюуны карьер өөрөө хил хязгааргүй бас олон улсын боломжууд гаргаж ирдэг юм байна" гэжээ.