Үндэсний их баяр маань дэнж хотойтол сайхан болж өнгөрсөн ч унаач хүүхдүүд мориноос унаж бэртсэн тохиолдол цөөнгүй гарчээ.

Энэ жилийн наадмаар 6 насны морьд уралдаж 958 уралдаанч хүүхэд уралдсанаас 11 хүүхэд мориноос унасныг эмнэлэгийн тусламж үзүүлж, эцэг, эх, асран хамгаалагчид хүлээлгэн өгсөн байна.

Мөн улсын хэмжээнд баяр наадмын өдрүүдэд нийт 98 бага насны хүүхэд эцэг, эх, асран хамгаалагчаасаа төөрсөн байсныг цагдаагийн байгууллагаас олж, тогтоон ар гэрт нь хүлээлгэн өгч, хүүхдийг төөрөхөөс урьдчилан сэргийлэх зорилгоор 4670 гарын бугуйвчийг хүүхдэд зүүн өгчээ.