Монгол Улсын Өмнөговь аймгийн Ханбогд сумын нутагт байрлах Монгол, Хятадын Гашуунсухайт–Ганцмод боомтын хил дамнасан төмөр замын бүтээн байгуулалтын ажлын нээлтийн ёслол 2025 оны тавдугаар сарын 14-ний өдөр боллоо. Энэ үеэр Аж үйлдвэр, эрдэс баялгийн сайд Ц.Туваан "Гашуунсухайт-Ганцмод хил дамнасан төмөр зам 22 сарын дотор ашиглалтад орж, 2030 оноос хойш жил бүр 20 сая тонн нүүрс экспортолно" гэлээ.