Улсын дээд шүүхээс Н.Алтанхуяг, Н.Батбаяр, Б.Шинэбаатар, Н.Мөнхбат нарыг дээрх хэргүүдэд цагаатгасан шийдвэрийг хүчингүй болгож, гэм буруутай эсэхийг дахин хэлэлцүүлэх нь зүйтэй гэж үзээд буй. Түүнчлэн УИХ-ын гишүүн Д.Цогтбаатарт холбогдох хэрэгт оногдуулсан ял шийтгэлийг хэвээр үлдээснээр бүрэн эрхийн асуудал хөндөгдөж эхэлсэн.
Тэгвэл эл асуудлаар УИХ-ын гишүүн Д.Цогтбаатараас тодруулга мэдээлэл авлаа. Тэрбээр "Би Үндсэн хууль зөрчөөгүй, гишүүн болохоосоо өмнө гэмт хэрэг хийгээгүй. Дараагийн шатны шүүхэд гомдол гаргаж байгаа" гэлээ.
