Говьсүмбэр аймагт онцгой байдлын албан хаагчид 17 сая төгрөгийн үнэ бүхий 10 км зайнаас удирдах боломжтой чанга яригч, өндөр нягтаршил бүхий камертай нисгэгчгүй нисэх төхөөрөмжийг урьдчилан сэргийлэх болон эрэн хайх аврах ажиллагаанд ашиглаж байна. Энэ төхөөрөмжийг орон нутгийн зөвлөлөөс хүлээн авсан байна. Энэ талаар Говьсүмбэр аймгийн Онцгой байдлын газрын дарга, хурандаа А.Алтанбаганын мэдээлснээр алба хаагчдын ажиллах орчин, нийгмийн баталгааг хангах ажлын хүрээнд бүтээн байгуулалтын ажлуудыг үе шаттайгаар зохион байгуулж байгаа аж. Энэ хүрээнд дээрх төхөөрөмжийг ашиглаж байгаа юм байна.
Говьсүмбэр аймгийн хэмжээнд өнгөрсөн онд 29 удаагийн гал түймрийн дуудлага бүртгэгдэж, 10 тэрбум төгрөгийн эд хөрөнгийг авран хамгаалсан бол он гарсаар 9 удаагийн дуудлагаар үүрэг гүйцэтгэж, 1,8 тэрбум төгрөгийн эд хөрөнгийг авран хамгаалжээ.
