Шинэ нам, АН-тай нэгдэж буй талаар мэдээлэл хийлээ. Мэдээллийн эхэнд АН-ын ЕНБД-ын үүргийг түр орлон гүйцэтгэгч Н.Ганибал "АН-ын улстөрийн зөвлөл, Шинэ намын гүйцэтгэх зөвлөлөөс ажлын хэсэг байгуулсан. Хоёр ажлын хэсэг зарчмын бүхий л асуудал, шийдвэр дээр нэгдлээ. Могой жилдээ намууд эцсийн шийдвэрээ гаргаснаар ардчилсан нам дээр шинэ нам нэгдэх нь бүрэн шийдэгдэнэ" гэв.

Харин "Шинэ нам "-ын дарга "Сар шинийн босгон дээр улс орныхоо төлөө АН-тай нэгдэж байна. Өнгөрсөн 2024 оны УИХ-ын сонгуульд 70 мянган сонгогч саналаа өгсөн. АН-д 440 мянган санал авсан. Тэгэхээр манай хоёр намын саналыг нэгтгэхэд 510 мянга болно. Улстөрд хамтдаа зүтгэх ёстой юм байна. Нийгмийн тогтолцоонд өөрчлөлт оруулна" гэв.