ЦЕГ, АТГ, НИТХ зэрэг байгууллагуудаас гэмт хэргээс урьдчилан сэргийлэхийн тулд хийхээр төлөвлөж буй ажлуудынхаа талаар мэдээлэл өглөө. Энэ үеэр Замын цагдаагийн газрын дарга С.Галбадрах "Замын хөдөлгөөнд хариуцлагагүй оролцдог жолооч нараас болж зам тээврийн осол, түгжрэл саатал, явган зорчигчийн аюулгүй байдал хангагдахгүй байна. Соёлтой жолоочийг бий болгохын тулд ЕБС-ын сургалтын төлөвлөгөөнд замын хөдөлгөөний дүрмийн сургалтыг оруулах чухал байна" гэлээ.