"Машинтай тэмцэгч" гэх Б.Цэгмидэд шүүхээс ял оноосон гэх мэдээлэл бий. Тодруулбал, Б.Цэгмидийг Эрүүгийн хуулийн тусгай ангийн 13.14 дүгээр зүйлийн 1 дэх хэсэгт зааснаар буюу "худал мэдээлэл тараах" зүйл ангиар буруутгаж, шүүхээс зорчих эрхийг нэг сарын хугацаагаар хязгаарласан гэх.
Энэ талаар Баянзүрх, Сүхбаатар дүүргийн ЭХАШШ-ээс тодруулахад" Б.Цэгмид нь худал мэдээлэл тараасан гэх үндэслэлээр 2023 онд Эрүүгийн хуулийн тусгай ангийн 13.14 дүгээр зүйлийн 1 дэх хэсэгт зааснаар зорчих эрхээ хязгаарлуулж байсан" гэлээ.
