УИХ-ын гишүүн Ц.Мөнх-Оргилыг Их Британи Умард Ирландын Нэгдсэн Хаант Улсад суух Элчин сайдаар томилох тухай мэдээлэл гараад буй. Тэгвэл дээрх асуудлаар өөрөөс нь тодрууллаа. Тэрбээр,
"Хуульч хүний хувьд УИХ-д боломжийн ажилласан. Эрхзүйн шинэчлэл, Үндсэн хуульт ёсыг бэхжүүлэх ажилд өөрийнхөө хувь нэмрийг оруулсан гэж бодож байна. Уг нь өшөө их зүйл хийх бололцоо байсан. Гэхдээ УИХ-ын ажлын онцлог нь нэг хүнээс хамаардаггүй. Надаас хамаарч байгаа зүйл байгаа ч гэсэн шийдвэр нь дандаа хамтых байдаг. Надад элчингээр ажиллах санал ирээгүй, ирэх ч үгүй" гэлээ.
