Сэлэнгэ аймаг, Ерөө сумын III багийн Бугант тосгоны төвийн 1-1003 тоот /аймгийн төвөөс зүүн урд зүгт 160 км, сумын төвөөс зүүн урд зүгт 70 км/-т иргэн Б, Ц нарын 1 давхар байшин хоёрдугаар сарын 07-ны өдрийн 23:18 цагийн орчим шатсан тухай мэдээллийг хоёрдугаар сарын 08-ны өдрийн 01:18 цагт ОБГ хүлээн авсан байна.
Тус сумын Бугант тосгоны Цагдаагийн тасгийн алба хаагчид, орон нутгийн иргэд 23:25 цагт очиход иргэн Б, Ц нарын 7х14 метрийн хэмжээтэй байшин шатаж байсныг 5 цаг 55 минут ажиллан хоёрдугаар сарын 08-ны өдрийн 05.10 цагт галыг бүрэн унтраасан байна. Гэвч тус гал түймэрт иргэн Б /30 настай, эрэгтэй/ өртөж нас барсан бөгөөд Сэлэнгэ аймгийн Цагдаагийн газрын мөрдөн байцаах тасгийн мөрдөгчид 04:50 цагт хүлээлгэн өгчээ.
