Нүүрсний хулгайн асуудлаар ХЗДХ-ийн сайд Х.Нямбаатар хуулийн байгууллагын удирдлагуудыг цуглуулан мэдээлэл өглөө. Энэ үеэрээ УИХ-ын гишүүн Т.Доржхандыг нүүрсний асуудлаар дэлгэсэн мэдээлэлтэй нь холбогдуулан гэрчээр асуухыг хуулийнхандаа анхаарууллаа.

Мөн тэрбээр "Би Хууль зүй дотоод хэргийн сайдаар ажиллаж байх хугацаандаа хэн нэг хүнийг хэлмэгдүүлж, хилсээр шоронд хийж ял өгч чадахгүй. Гэм буруутай асуудлыг хуулийн шалгаж, прокурор хянаж, шүүх яллана. Мөрдөн шалгах ажиллагааны явцад зарим нэг хүний нэрсийг зарлавал яасан юм гэж прокуроруудтай уулзаж байна" гэлээ.