Өнгөрөгч арваннэгдүгээр сарын 2-ны Засгийн газрын ээлжит хуралдаанаар Гадаад харилцааны Дэд сайд Б.Мөнхжинг үүрэгт ажлаас нь чөлөөлж, "Монцамэ" агентлагийн дарга Гомбосүрэнгийн Амартүвшинг томилох шийдвэрийг гаргасан. Г.Амартүвшингийн хувьд "Монцамэ" агентлагийг ЕТГ-ын харьяанд ирсэнтэй холбогдуулан, өнгөрсөн жилээс удирдаж байсан. Тэгвэл эл агентлагийн даргаар орчуулагч Э.Содонтогосыг томилохоор яригдаж байгаа ба томилох шийдвэр нь албажаагүй байгаа аж.
