Нийслэлийн Хан-Уул дүүргийн дөрөвдүгээр хороонд байрлах зочид буудлын 3 дугаар давхраас сэтгэцийн өөрчлөлттэй иргэнийг эсэн мэнд буулгажээ.
Энэ тухай дуудлага мэдээлэл Цагдаагийн байгууллагаас ирсэн бөгөөд нийслэлийн аврах ангийн алба хаагчид 6.4 км замыг туулан очиход Сүхбаатар дүүргийн 8 дугаар хороонд оршин суух хаягтай иргэн Л /45 настай, эрэгтэй/ нь согтууруулах ундаа хэтрүүлэн хэрэглэж, тус буудлын 3 дугаар давхраас үсрэх гэж байсныг хаалгыг онгойлгон орж, тухайн иргэнийг буулгаж, тус дүүргийн Цагдаагийн 2 дугаар хэлтсийн эргүүлийн офицерт хүлээлгэн өгсөн байна.
