МАН-ын Удирдах зөвлөлөөс танилцуулснаар шинэ Засгийн газрын бүтэц, сайд нарын нэрс бараг л тодров. Харин сайд нарын нэрс дунд Ардчилсан намын гэх тодотголтой гишүүд байсангүй. Өнгөрсөн хугацаанд шинэ Засгийн газарт Ардчилсан намынханд дөрвөн сайдын суудал өгөхөөр тохирсон ч эцсийн дүндээ 1-2 сайд л өгөх байх гэх таамгууд хөвөрч байв.

Ийнхүү Засагт орох АН-ынханы "мөрөөдөл" талаар болов уу хэмээн харах хүмүүс олон байлаа. Харин нөгөө талдаа АН-ынханд сайдын суудал өгөөгүй мэтээр харагдуулах нь олон нийтийг төөрөгдүүлэх гэсэн МАН-ын тактик байв уу. Учир нь одоогийн байдлаар Эрүүл мэнд, Барилга, хот байгуулалтын сайд нарын нэрсийг зарлаагүй байгаа. Таамаг ёсоор АН-ынханд өгөхөөр амласан хоёр сайдын суудал нь "хүлээлгэд" үлдчихэв бололтой.