Энэ оны хичээлийн шинэ жилийг үе шаттайгаар эхлүүлэхээр төлөвлөсөн талаар БШУ-ны сайд Л.Энх-Амгалан мэдээлсэн. Мөн бэлтгэл ажлыг хүрээнд цэцэрлэгт хамрагдах хүүхдүүдийн хамран сургах тойргийг шинээр тогтоож байгаа аж.

Тэгвэл цэцэрлэгийн элсэлтийн бүртгэлийг наймдугаар сарын 10-наас эцэслэнэ гэдгийг салбарын сайд нь хэллээ. Тэрбээр "Цэцэрлэгийн бүртгэлийг наймдугаар сарын 10-наар эцэслэж байна. Тухайн хамран сургах тойрогт хэдэн хүүхэд байна, яаж хамруулах вэ гэдгийг эцэслэж, УБЕГ болон И-Монголиа академитай хамтран бүртгэлийг хийнэ. Наймдугаар сарын 10-ны дотор эхний бүртгэлүүдийг хийх боломж бүрдэх болов уу гэж харж байна" гэв.