УИХ-ын гишүүн Н.Алтанхуяг, Х.Ганхуяг, Г.Амартүвшин, Ё.Баатарбилэг нарын бүрэн эрхийг түдгэлзүүлэх асуудлаар Халдашгүй байдлын дэд хороо хуралдаж байна.

Энэ талаар УИХ-ын гишүүн Х.Ганхуягаас тодрууллаа.

-Таны бүрэн эрхийг түдгэлзүүлэх хүсэлтийг УЕПГ-аас гаргалаа. Уг асуудалд та ямар байр суурьтай байна вэ?

-Шалгуулах хүсэлтээ бид өөрсдөө гаргаж өгсөн. Шалгалт үргэлжилж байна. Даваа гаригт яллагдагчаар татах тогтоолтой танилцсан. Улмаар уг асуудалд тайлбараа өгнө. Хууль хяналтын байгууллагад хүндэтгэлтэй хандана.

-Яг ямар зүйл ангиар буруутгаж байгаа вэ?

-Буруутгаж байгаа зүйл анги нь төрийн өндөр албан тушаалтантай холбоотой зүйл анги. Тэгэхээр би чинь 2020 оны зургаадугаар сараас өмнө төрд огт ажиллаж үзээгүй хүн.

-Та төрд ажиллаж байгаагүй гэж байна. Гэтэл тухайн үед Хөгжлийн банкны захирлаар Г.Амартүвшин гишүүн ажиллаж байсан нь хардлага төрүүлээд байгаа?

-Тийм боломж байхгүй. ТУЗ, зээлийн хороо шийдвэрлэдэг.