Коронавирус халдварын гуравдахь давлагаа эхэлж сүүлийн найм хоногийн турш тогтмол 3600-аас дээш тохиолдол өдөрт бүртгэгдэж байна.
Халдварын нөхцөл байдал хүндэрснээр эмнэлгүүд ачааллаа даахгүй болж буй талаар ЭМЯ-наас мэдээлж буй. Халдварын тархалтыг бууруулах зорилгоор Халдварт өвчин судлалын үндэсний төвөөс Улсын онцгой комиссд албан тоот явуулж 22.00 цагаас хойш хөл хорио тогтоох санал хүргүүлжээ. Энэ талаар УОК-ын дэргэдэх эрдэмтдийн зөвлөлийн нарийн бичгийн дарга О.Батбаяраас тодрууллаа.
Тэрбээр "Энэ шийдвэрийг ХӨСҮТ-өөс гаргасан. Эмнэлгийн ачаалал дээд цэгтээ хүрсэн. Ингэснээрээ эмнэлгийн ачааллыг тодорхой хэмжээнд буурна. Эрүүл мэндийн салбар ачааллаа даахаа байлаа. ХӨСҮТ-өөс УОК-д хандан албан тоот явуулсан" гэв.
