Олон улсын боксын холбооноос зургаадугаар сард зохиох байсан олимпын эрх олгох тэмцээн КОВИД-19 цар тахлын улмаас цуцлагджээ. Улмаар олимпын эрхийг дэлхийн чансааны дагуу өгөхөөр болж тив бүрт 53 эрх хуваарилжээ.
Улмаар чансаа дээгүүр бичигдэж байсан эмэгтэй 75 кг жингийн тамирчин М.Мягмаржаргал, эрэгтэй 49 кг жингийн ОУХМ Э.Цэндбаатар нар эрхээ авлаа. Боксын эхний эрхийг Б.Чинзориг өнгөрсөн онд авсан. Ингэснээр Монгол улсын гурван боксчин Токиогийн олимпод оролцохоор болж байна.
