Шатахууны нийлүүлэлт, хангамжийг сайжруулах үүрэг бүхий шуурхай штабаас мэдээлэл хийлээ. Энэ үеэр АМГТГ-ын Газрын тосны бүтээгдэхүүний хэлтсийн дарга Д.Даваабаяр "Баруун бүсийн хэрэглээг хангадаг Цагааннуур, Боршоо боомтоор сүүлийн нэг сар шатахуун орж ирээгүй учраас төвийн бүсээс нийлүүлэлтийг хангаж байгаа. Орон нутаг руу ачилтыг сайжруулах чиглэлээр ажиллаж байна. Өчигдөр нийслэлийн 128 ШТС руу 1130 тонн АИ92 бензиний ачилт хийсэн" гэв.