Засгийн газрын ээлжит хуралдаан үргэлжилж байна. Хуралдааны үеэр Цагаан хад орчимд Оюу толгойн зэсийн баяжмалыг экспортод гаргахыг зогсоох зорилго бүхий "Эрс шинэчлэл хөдөлгөөн"-ийхөн зам хаасан гэх асуудалд Ерөнхий сайдын зүгээс ХЗДХ-ийн сайд С.Амарсайханд холбогдох үүргийг өгчээ. Тодруулбал, Ерөнхий сайд Н.Учралын зүгээс хууль тогтоомжийг хэрэгжүүлэх, хуулийн дагуу үйл ажиллагаа явуулж байгаа ААН-ийн үйл ажиллагаанд хууль бус хориг саад хийгчдэд хариуцлага тооцох тухай тусгайлсан үүрэг өгсөн байна.