АН-ын Улс төрийн зөвлөлийн хурал 11.00 цагт Төрийн ордонд эхэлсэн. Хуралдааны үеэр АН-ын дарга О.Цогтгэрэл Ерөнхий нарийн бичгийн даргын үүрэг гүйцэтгэгчээр С.Баярцогтыг томилуулахаар санал болгосон тухай бид мэдээлсэн.
Тэгвэл АН-ын Улс төрийн зөвлөлийн хуралдаанд оролцсон нийт 32 гишүүнээс 23 нь дэмжиж 73 хувийн саналаар С.Баярцогтыг АН-ын Ерөнхий нарийн бичгийн даргын үүрэг гүйцэтгэгчээр томиллоо.
Сануулахад, өнгөрсөн долоо хоногийн пүрэв, баасан гарагт хуралдсан ҮБХ-ны хурлын үеэр Ерөнхий нарийн бичгийн даргын томилгоогоо хийж чадалгүй 30 хоногийн хугацаагаар хойшлуулсан байдаг. Тодруулбал, О.Цогтгэрэл Д.Амарбаясгалан, А.Батпүрэв нарыг санал болгосон ҮБХ-ны гишүүдийн олонх нь дэмжээгүй юм.
