Голден Стэйт Уорриорс баг Портланд Трэйл Блэйзерс багийг талбай дээрээ хүлээж аван 137:122 харьцаатайгаар буулган авлаа. Тус тоглолтод Уорриорс багийн сюпер од тоглогч Стефэн Көрри 62 оноо авч өөрийн замналын оргил үзүүлэлтийг шинэчиллээ. Өнөөдрийн тоглолтод тэрээр 8 холын шидэлт, 18 чөлөөт шидэлт амжилттай болгожээ.
Харин хожигдол хүлээсэн Портланд Трэйл Блэйзерс багаас Дамиан Лиллард 32 оноо, 6 холын шидэлт амжилттай болгож, Энес Кантер 24 оноо, 12 самбар авсан байна.
Дэвсгэр мэдээлэл:
Стефэн Көрри найман жилийн өмнө буюу 2013 оны хоёрдугаар сарын 27-нд Нью-Йорк Никсийн эсрэг 54 оноо авч байсан нь өнөөдрийг хүртэл түүний замналын оргил үзүүлэлт байлаа.
