Монголын Үндэсний Олимпын Хорооны удирдах бүрэлдэхүүн удахгүй шинэчлэгдэнэ. Үүнтэй холбоотойгоор МҮОХ-ны Дүрмийн 14.4.2б заалтын дагуу Хараат бус бие даасан сонгуулийн комисс МҮОХ-ны удирдах бүрэлдэхүүнд нэр дэвшигчдийн материалыг хүлээн авч дуусаад байгаа юм. Тэгвэл Монголын Үндэсний Олимпын Хорооны Гүйцэтгэх зөвлөлийн гишүүнд нийт 19 хүн нэр дэвшихээр хүсэлтээ өгчээ. Эдгээр дунд, МАН-ын ЕНБД Я.Содбаатар, УИХ-ын гишүүн А.Ганбаатар, УИХ-ын гишүүн Ч.Номин нар нэрээ дэвшүүлжээ.
