Ард кино театрын ногоон байгууламж бүхий талбайд 25 давхар барилга барихаар хашаалсан талаар бид өмнө нь мэдээлж, сурвалжилсан билээ. Тэгвэл Ард кино театрын эзэмшлийн талбайд 2022 онд олгосон барилга барих зөвшөөрлийг Нийслэлийн Ерөнхий архитектор Ч.Төгсдэлгэр цуцалжээ.

Чингэлтэй дүүргээс өнгөрсөн хугацаанд Ард кино театрын асуудлаар зохих шатны байгууллагад хандаж ирсэн. Барилгын төлөвлөгөө цуцлагдсаны дагуу Чингэлтэй дүүрэг нийслэлтэй хамтран Ард кино театрыг хэрхэх талаар иргэдээс санал асуулгыг зохион байгуулна гэдгийг тус дүүргийн Засаг дарга Н.Мандуул мэдэгдлээ.