Өнөөдөр /2025.06.26/ "Эрүү шүүлтийн хохирогчдод дэмжлэг үзүүлэх олон улсын өдөр" тохиож байгаатай холбогдуулан Эрүү шүүлтээс урьдчилан сэргийлэх үндэсний ажиллагаанаас "Эрүү шүүлт тулгах гэмт хэргийн хохирогчдын хохирол нөхөн төлүүлэлт, эрх зүйн зохицуулалт, тулгамдаж буй асуудал, шийдвэрлэх арга зам" сэдэвт олон улсын эрдэм шинжилгээний хурал боллоо.
Хуралд нийт 40 гаруй илтгэл ирснээс 19-ийг нь хэлэлцэж байгаа юм. Тус хуралд НҮБ-ын Эрүүдэн шүүхийн эсрэг дэд хороо, "Эрүү шүүлтээс урьдчилан сэргийлэх нийгэмлэг", Их Британи, Казахстан, Киргизстан зэрэг улсын Эрүү шүүлтээс урьдчилан сэргийлэх үндэсний байгууллагын төлөөлөл цахимаар оролцсон байна. Хуралд оролцсон төлөөллийн саналыг тусгаж, "Эрүү шүүлтгүй Монголын төлөө" уриан дор бүх төрлийн байгууллагуудад уриалга гаргах юм байна.
