Унгарын нийслэл Будапештэд эхэлсэн жүдо бөхийн эрэгтэйчүүдийн 38, эмэгтэйчүүдийн 29 дэх удаагийн дэлхийн аварга шалгаруулах тэмцээний эрэгтэйчүүдийн 60 кг-ын жинд зодоглосон ОУХМ К.Ёолк хүрэл медаль хүртсэн. Бразилийн бөхийг нэмэлт цагт ялснаар дэлхийн аваргын 32 дахь медаль, 19 дэх хүрэл медалийг эх орондоо авч ирсэн тэрбээр Жүдо бөхийн ДАШТ-д анх удаа оролцсон юм.

Бид түүнийг эх орондоо ирэхэд нь уулзаж, тэмцээний талаар цөөн хором ярилцсан юм.