Засгийн газрын Хэрэг эрхлэх газрын дарга Н.Учрал бүх төрлийн цахим мөрийтэй тоглоом, бооцоот тоглоомыг хориглох хуулийн төслийг боловсруулж буй талаараа мэдэгдсэн.

Энэ хүрээндээ "1XBET"-ийн Монголоос хандах эрхийг хязгаарлажээ. Үргэлжлүүлэн дамжин нэвтэрдэг хууль бус домайн хаягуудыг хаах ажлыг Цагдаагийн байгууллага, Харилцаа холбооны зохицуулах хорооноос эрчимтэй хэрэгжүүлж байгаа талаар мэдээллээ.

Тэрбээр "Иргэдийн санхүүгийн эрх ашгийг хамгаалж, мөрийтэй тоглоомын сөрөг үр дагавраас сэргийлэх нь төрийн үүрэг, хариуцлага юм" гэжээ.