Үндэсний статистикийн хорооноос улирал бүр нийгэм, эдийн засгийн судалгааг танилцуулдаг. Тэгвэл 4 дүгээр сарын байдлаар мөнгөний нийлүүлэлт 38.1 их наяд төгрөг болж, өмнөх оны мөн үеэс 7.9 (26.3%) их наяд төгрөгөөр өсжээ. Үүнд төгрөгийн хадгаламж 5.1 (37.6%) их наяд төгрөгөөр, төгрөгийн харилцах 2.3 (35.6%) их наяд төгрөгөөр өссөн нь нөлөөлсөн гэж үзжээ. Мөн ААН, иргэдэд олгосон зээлийн өрийн үлдэгдэл 29.9 их наяд төгрөг байгаа юм.