Ардын хувьсгалын 102 жилийн ойн Үндэсний их баяр наадмын Түрүү бөх, Монгол Улсын арслан М.Бадарчийн допингийн шинжилгээнээс "сэргээш" илэрсэн байдаг билээ.

Тэрбээр шинжилгээний хариугаа зөвшөөрөөгүй бөгөөд Монголын Үндэсний допингийн эсрэг байгууллага, Үндэсний их баяр наадмын Үндэсний бөхийн салбар хороонд гомдол гаргаж, маргаан үүсгэсэн.

Тэгвэл өнөөдөр /2024.05.10/ 10:00 цагт "Олон улсын ба Үндэсний спортын арбитр"-аас Улсын арслан М.Бадарчийн маргааны шийдвэрийг танилцуулахаар болжээ.