Он гарснаас хойш обьектын гал түймрийн 1255 тохиолдол бүртгэгдэж, гал түймэрт 31 иргэн өртөж, нас барж, 33 иргэн түлэгдэж, 4 иргэн бэртэж, 33 автомашин шатсан байна. Иймд галын аюулаас урьдчилан сэргийлэх дараах зөвлөмжийг ОБЕГ-аас хүргэж байна. Үүнд,
- Түлсэн гал, асаасан чүдэнз, татсан тамхины гал, цог нурмыг бүрэн унтраах
- Түймрийн хуурайшилт ихтэй үед ой, хээр ил задгай гал бүү түл
- Машин техникийн утааны янданг оч баригчтай болгох
- Айл өрх бүр халуун үнс нурмыг тусгайлан бэлдсэн таглаа бүхий нүх, саванд хийх
- Айл өрх бүр гал түймэр унтраах багаж хэрэгсэлтэй болоорой.
