Нүүрсний сонсгол гурав дахь өдрөө Төрийн ордонд боллоо. Өнөөдрийн сонсголын төгсгөлд "Хишиг арвин индустриал" ХХК-д хийсэн шалгалтын үр дүн, гарсан зөрчлүүдийг шинжээч танилцууллаа. Энэ үеэр "Хишиг арвин индустриал" ХХК-ийн ерөнхий захирал Б.Хишигдоржоос Түр хорооны дарга ямар хэрэгт яллагдагчаар татагдсан талаар "Таны яллагдагчаар татагдсан хэрэг Эрдэнэс Тавантолгой ХК-ийн удирдлагуудад хахууль өгсөнтэй холбоотой асуудал мөн үү" гэхэд тэрбээр "Тэгж ойлгож болно. Гэхдээ хахууль өгөөгүй" гэв.