Элсэлтийн Ерөнхий шалгалтын монгол хэл, бичгийн шалгалтад босго оноонд хүрээгүй шалгуулагч нар өнөөдөр давтан шалгалт өгнө. Тодруулбал, монгол хэл, бичгийн шалгалтыг дөрөвдүгээр сарын 2, тавдугаар сарын 7-нд тус тус зохион байгуулсан бөгөөд энэхүү хоёр удаагийн шалгалтад босго оноондоо хүрээгүй шалгуулагчид өнөөдөр буюу наймдугаар сарын 20-нд дахин шалгалтад хамрагдах юм. Улаанбаатар хотын шалгалт Баянзүрх дүүргийн 21-р сургууль дээр зохион байгуулагдана.