МАН Хөгжлийн банкны асуудалд анхаарлаа хандуулж, аливаа гэмт хэрэгт холбогдсон тохиолдолд эхлээд улс төрийн намын гишүүнчлэлээс түдгэлзүүлж цаашилбал сумын иргэдийн хуралд ч нэр дэвшүүлэхгүй гэдгээ мэдэгдээд буй. Тэгвэл олон нийтийн анхаарлын төвд байгаа Хөгжлийн банкны асуудалд МАН-ын Ерөнхий нарийн бичгийн дарга Д.Амарбаясалан дараах байр суурийг илэрхийлжээ. Тэрбээр "Хөгжлийн банк дотроо их асуудалтай болжээ. Ихэнх нь даалгавартай, зориудаар будлиулах гэсэн, эс үйлдэж асуудалд хандаж байна. Мэргэжлийн хуульчидын, ЭЗ-ын баг яаралтай бүрдүүлэх хэрэгтэй байна" гэжээ.