Чингэлтэй дүүргийн тавдугаар хороонд байрны 9 дүгээр давхраас хүүхэд унах гэж байна гэсэн дуудлагыг онцгой байдлын газарт өчигдөр 16:24 цагт иржээ. Дуудлагын дагуу Нийслэлийн аврах ангийн алба хаагчид 4 км замыг туулан 16:30 цагт очиход тус байрны оршин суугч 4 настай эрэгтэй Т тагтны цонхоор унах гэж байсан аж. Онцгойгийн албан хаагчид шуурхай ажиллан, барилгын дээврээс аврах олс ашиглан тагтаар орж хаалгыг онгойлгон хүүг аварсан байна. Улмаар тус дүүрэг дэх Цагдаагийн 1 дүгээр хэлтэст хүлээлгэн өгчээ.
