Баянгол дүүргийн 17-р хороо Амарсанаагийн гудамж, Модны хоёроос уруудах авто замын суваг, дулааны шугам угсрах ажлыг долоодугаар сарын 26-ны 23:00 цагаас долоодугаар сарын 29-ний 06:00 хооронд хийхээр болжээ.
"Авто зам, тохижилт, ногоон байгууламжийг ашиглах хамгаалах журам”-ын дагуу хийж буй энэ ажлын хүрээнд автозамын хөдөлгөөнийг түр хугацаанд хаах тул жолоочдыг өөр замыг сонгон хөдөлгөөнд оролцохыг Тээврийн цагдаагийн албанаас анхаарууллаа.
