Энэ оны эхний дөрвөн сарын байдлаар хүүхэд өртсөн зам тээврийн осол 71 бүртгэгджээ. Ослын улмаас 69 хүүхэд гэмтэж, найман хүүхэд амь насаараа хохирсон байна.

  Эдгээр ослын үндсэн шалтгаан нь эцэг, эх хүүхдэд тавих хараа хяналт сул байдгаас үүдэлтэй. Ингэхдээ анхааралгүй жолоо барих, гаднах зогсоолоос хөдлөхдөө эргэн тойрноо шалгахгүй байх зэргээр 1-3 насны дөрвөн хүүхдийн амийг хохироосон байна. Тухайлбал, Архангай, Сэлэнгэ, Хөвсгөл аймгуудад болон нийслэлийн Хан-Уул дүүрэгт тус бүр нэг, нийт дөрвөн хүүхэд автомашины ухрах болон хөдлөх үед өртөж, амь насаа хохироосон байна.