УИХ-ын ээлжит бус чуулган энэ сарын 7-нд нээлтээ хийсэн билээ. Гол зорилго нь Засгийн газраас өргөн мэдүүлсэн 2026 оны төсвийн тодотгол байсан юм. Тэгвэл маргааш УИХ-ын намрын ээлжит чуулган нээлтээ хийх тул өнөөдөр хуулийн дагуу ээлжит бус чуулганыг хаалаа.

Өнөөдрийн хуралдаанаар 2026 оны төсвийн тодотголыг 82.4 хувийн саналаар дэмжиж, гурав дахь хэлэлцүүлэгт шилжүүлэв. Төсвийн тодотголоор улсын төсвийн зардлыг танах, хүнсний гол нэрийн бараа бүтээгдэхүүний үнийн өсөлтийг хязгаарлах, түлш, шатахууны нөөц бүрдүүлэх, эрчим хүчний системийн найдвартай ажиллагааг хангах, цалин тэтгэврийг нэмэгдүүлэх зэрэг иргэдийн амьдралд тулгамдсан олон асуудлыг шийдвэрлэхээр хэлэлцэж эхлээд буйг Улсын Их Хурлын дарга С.Бямбацогт онцолсон юм.

О.Алуунгуа