Завхан аймгийн Засаг дарга 2026 оны наймдугаар сарын 31-ний өдөр “Хүүхдийн эрхийг хангах тухай” захирамж гаргаж, төрийн албан хаагч эцэг, эх, асран хамгаалагчдад есдүгээр сарын 1-ний өдөр гурван цагийн цалинтай чөлөө олгохоор шийдвэрлэжээ.
Тодруулбал, төрийн албан хаагчдын ажил, амьдралын тэнцвэрт байдлыг хангах, эцэг, эх, асран хамгаалагчдыг хүүхдүүддээ цаг гаргах боломжийг бүрдүүлэх зорилгоор есдүгээр сарын 1-ний өглөө 09:00-11:00, орой 17:00-18:00 цагийн хооронд нийт гурван цагийн цалинтай чөлөө олгосон байна.
Мөн уг шийдвэрийг дэмжин хэрэгжүүлж, ажилтан эцэг, эхчүүдэд ижил боломж бүрдүүлэхэд идэвх санаачилгатай ажиллахыг хувийн хэвшлийн байгууллагуудын удирдлагуудад уриалжээ.
