Засгийн газраас өргөн бариад буй төсвийн тодотголын талаар Сангийн яамны ТНБД М.Санжаадорж мэдээлэл өглөө. Тэрбээр "Төсвийн тодотголоор зардал нэмж үйлдвэрлэхгүй. Мөнгө нэмж хэвлэхгүй. Эдийн засгийн онол талаасаа инфляциа нэмэхгүй байх шаардлага бий. Энэ агуулгаар 11.4 их наядын зардлаа хасаж байна. Хасаж буй зардал нь 4500 орчим төсөвт байгууллагын үйл ажиллагааны зардлыг байж болох хэмжээнд нь тултал хасаж байна. Түүнээс нэг орчим их наяд төгрөгийг төрийн албан хаагчдын цалин болон ахмадын тэтгэврийг нэмэгдүүлэхэд зарцуулахаар өргөн барьсан. Энэ хүрээнд маш цомхон төсвийн тодотгол өргөн барьсан" гэв.