ШТС-уудаар Евро-5 стандартын автобензиний үнэ литр тутамд 4960 төгрөг болж нэмэгдсэн талаар иргэд олон нийтийн сүлжээнд мэдээлж буй. Тэгвэл АҮЭБ-ийн сайд Г.Дамдинням энэ талаар тайлбарлахдаа "Евро-5 бензин БНХАУ, ОХУ-аас орж ирж байгаа үнээрээ л зарагдаж байгаа. Бензин дэлхий даяар олдож байгаа нь л их юм болоод байна. Үнэ чөлөөл гээд байдаг шүү дээ. Төр зөвхөн энгийн АИ-92 дээр л үнэ барьдаг. Бусад дээр нь оролцдоггүй. Оролцох ч буруу" гэлээ.